17岁吉他手Dale决定入行做独立音乐人🎶

更新时间：2025-05-14 00:40  浏览量：2

謝霆鋒早前在港啟德主場館舉行4場演唱會，引爆全城回憶殺；當中17歲女結他手Dale更成為焦點；而被形容為「結他新星」的她，原來亦準備出道向幕前發展，成為獨立音樂人。 其實Dale過往亦曾跟不同歌手合作，唯獨與霆鋒這次合作成為話題；而在演唱會結束後，緣份亦再把她與霆鋒連結起來，事關她最近獲連鎖快餐店大快活邀請拍廣告，當年17歲的霆鋒，首次拍廣告同樣是獲大快活邀請。Dale笑說：「霆鋒個廣告97年播我仲未出生，所以最近專誠翻看，覺得拍攝手法相當有趣，廣告中見到17歲嘅霆鋒，同我今時今日接觸到嘅霆鋒亦好唔同，但廣告中捕捉到唔少霆鋒嘅獨有表情，感覺好有趣。」 講到跟霆鋒在四場演唱會的合作，Dale表示在對方身上一學到了如何在舞台上自娛自樂，但同時又能夠跟觀眾互動，以及帶動氣氛。她說：「雖然我哋私下唔算多交流，但音樂卻連繫住大家，最難忘係合作彈奏《今天你生日》時，我哋會對望，以及一起隨節奏搖滾，那一刻我哋就真係連結起來。」 Dale續說：「其實早於參加霆鋒演唱會前，自己已下定決心要轉向幕前發展，現在多了網友關注及認可，就好似一種推動力，鼓勵自己努力實行計劃，所以我會以全新身份繼續喺娛樂圈發展，唔只係結他手，而係以獨立音樂人身份發展。之前已自學咗編曲，亦創作咗一啲作品，只係一直未有勇氣推出，早已計劃好在完成霆鋒演唱會後付諸實行，期望可在將來表演給大家看！」 以上信息来自touchwoodtv